Suicidóse la nueche y los perros mordíeronmos la vida.
Fuimos carroña pa una fame
que nun amenazó hasta lo último.
Quedómos el fuelgu mínimu pa tentar algamalos.
Corrieron camín de la playa esbabayando espluma y cunetes,
hemorraxes de la escuridá qu´espardieron sangre perende,
pulsos d´un corazón d´otros,
animal.Somos unos bípedos desgraciaos,
demasiao altos.
Nel cantil alboreció a traición, el sol pela espalda
y cayómos la solombra al mar.
Semeya: Oeste / Rd´A
No hay comentarios:
Publicar un comentario