22 d´abril 2010

Quixi matar abril pero quedó
30 nueches desangrándose.
Agora molesta más esti suelu encarnáu
mayu al despiste
y la falta de ritmu
de los almanaques acoxando.

Semeya: Almanaque / Rd´A

16 d´abril 2010

Despiértamos callandino, abasando peles fachaes, l´airín seyellosu de la memoria. Como l´últimu día de Sant Malo. Como p´acabar de volver pa en casa.

Semeya: Breizh / Rd´A

10 d´abril 2010

Tuviemos suaños fríos, de llagartesa.
Que nun esconsonen el piel nueso
en branu.

Semeya: Llagartesa / Rd´A

25 de marzu 2010

Nel teatru de Shijiazhuang, les engurries de mio güela faen solombres pequeñes, silencioses.
[el públicu inda nun aplaude]

Semeya: Güela / Rd´A

21 de marzu 2010

Nun abras la puerte, que marchen el calor y los gatos, mesma cosa. Que los calabres de los tigres pasen fríu na antoxana.

Semeya: Tigre / Rd´A

18 de marzu 2010

Hai daqué de reptil que quier cambiar nesti follar contigo tan asina. Como frotase muncho fuerte pa mudar el piel.

Semeya: Señardá / Rd´A

13 de marzu 2010

La memoria y el camín sincronizáronse permal ¿qué dios mediocre nos diseñó asina ensin damos el regalu d´arremanamos curioso p´andar marcha atrás?

Semeya: La Vega / Rd´A