skip to main |
skip to sidebar
"... y con eses espurría´l piel de la cara y amosaba una parte más clara na espina dorsal de les engurries.-ehí nun te da´l sol, nun te pones morena.-guardo lluz de primero...."Semeya: Resquiebra / Rd´A
Busca tisories d´apodar, piedres d´afilar, gaxapu (pación/agua), mañanes soleyeres de sábadu, brenga, un sacu, y otres coses que tengo apuntaes.
A la estrella de los vientos creciéron-y muncho los brazos. 'Norte' ye la única pallabra que cayó del diccionariu.
Semeya: Ancla / Rd´A
Falemos de les cais onde la cantariella fuma de nueche, la tele foi un mediu de tresporte. D´autores que namás sabíemos pronunciar y tópicos. Denotaciones eterees de lo poco que lleéramos. De munchos nomes, toos de muyer, toes la mesma. L´alcohol tien daqué qu´aformiga los callos de los deos. Escribir, escribir muncho, ver materia lliterario na parte más blanca sol raigañu de la pación -too, pa dicir del color verde, namás, clorofila nes víes respiratories-.Y eso de que lo vivío tien que ser un prólogu, como si los prólogos aportaren daqué.Gracies que la vida nun queda impresa.Semeya: Campirina / Rd´A
L´añu qu´incineremos a mio güela, mio güelu, el mio hermanu y yo fuimos xuntos al Gurguyu, a quemar la yerba seco. La caber febra de fumo alzóse yá col sol calistrando l´horizonte.Foi´l branu más triste hasta aquella.Semeya: Ánxel / Rd´A
Quixi matar abril pero quedó
30 nueches desangrándose.
Agora molesta más esti suelu encarnáu
mayu al despiste
y la falta de ritmu
de los almanaques acoxando.
Semeya: Almanaque / Rd´A
Despiértamos callandino, abasando peles fachaes, l´airín seyellosu de la memoria. Como l´últimu día de Sant Malo. Como p´acabar de volver pa en casa.Semeya: Breizh / Rd´A
Tuviemos suaños fríos, de llagartesa.Que nun esconsonen el piel nuesoen branu.Semeya: Llagartesa / Rd´A
Falemos de les cais onde la cantariella fuma de nueche, la tele foi un mediu de tresporte. D´autores que namás sabíemos pronunciar y tópicos. Denotaciones eterees de lo poco que lleéramos. De munchos nomes, toos de muyer, toes la mesma. L´alcohol tien daqué qu´aformiga los callos de los deos. Escribir, escribir muncho, ver materia lliterario na parte más blanca sol raigañu de la pación -too, pa dicir del color verde, namás, clorofila nes víes respiratories-.
L´añu qu´incineremos a mio güela, mio güelu, el mio hermanu y yo fuimos xuntos al Gurguyu, a quemar la yerba seco. La caber febra de fumo alzóse yá col sol calistrando l´horizonte.
